Bakıda daha 16 avtobus dayanacağı məntəqəsində pavilyonlar qoyulub

Bakı. 2 iyun. REPORT.AZ/ Bakı Nəqliyyat Agentliyinin mütəxəssislərinin apardığı təhlillər və eyni zamanda sərnişinlərdən 141 Çağrı Mərkəzinə daxil olan müraciətlər əsasında daha 16 avtobus dayanacağı məntəqəsində pavilyonlar qoyulub. 

"Report" xəbər verir ki, bu barədə BNA-nın mətbuat katibi Mais Ağayev məlumat verib. 

"Bu istiqamətdə işlər davam etdirilir və digər məntəqələrdə də pavilyonların qoyulması təmin ediləcək", - deyə o qeyd edib.