Tbilisi. 28 noyabr. REPORT.AZ/ Bakı Beynəlxalq Dəniz Ticarət Limanı ilə Gürcüstanın Anaklia Dəniz Limanı arasında əməkdaşlıq haqqında memorandum imzalanıb.
"Report"un Gürcüstan burosu xəbər verir ki, sənədi Azərbaycan tərəfindən Taleh Ziyadov və Gürcüstan tərəfindən Levan Axveldiani imzalayıb.
Memorandumda iki ölkənin dəniz limanları arasında informasiya mübadiləsi, ticarət dövriyyəsinin artırılması və əməkdaşlığın genişləndirilməsi məsələləri nəzərdə tutulub.
Taleh Ziyadov jurnalistlərə deyib ki, Anaklia limanı dərin limandır: "İki liman arasında imzalanan bu sənəd ölkələrimiz arasında iqtisadi əlaqələrlə yanaşı, dostluq əlaqələrimizin də genişlənməsinə təkan verəcək".