Yuxarı
    Bağlamaq

    ​Bakı-Qazax avtomobil yolunun daha bir hissəsi təmir olunur

    Təmir-bərpa işləri sözügedən ərazidə hər iki istiqamət üzrə aparılır

    Bakı. 13 aprel. REPORT.AZ/ Payız-qış mövsümündən sonra respublika avtomobil yollarında asfalt-beton örtüyünün deformasiyaya uğrayan və dağılan hissələrinin bərpası istiqamətində aparılan işlər çərçivəsində Bakı-Ələt-Qazax-Gürcüstan sərhədi avtomobil yolunun 68-80-ci kilometrlik hissəsində təmir işləri həyata keçirilir.

    “Report” “Azəravtoyol” ASC-yə istinadən bildirir ki, təmir-bərpa işləri sözügedən ərazidə hər iki istiqamət üzrə aparılır.

    Sözügedən avtomobil yolunun 68-80-ci kilometrlik hissəsində asfalt-beton örtüyünün qabaran və dağılan hissələri frez maşınları vasitəsi ilə qaşınaraq kənara daşınır. Təmizlənən hissələrə isə yeni asfalt-beton örtüyü döşənir. Ümumilikdə 22 min kv. m ərazinin asfaltlanması işləri aparılır.

    Bütün işlər tərtib olunan qrafikə uyğun aparılır. Təmir işlərinin vaxtında yekunlaşdırılması üçün əraziyə lazımi sayda qüvvə cəlb olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi