Yuxarı
    Bağlamaq

    ​Bakı Dairəvi yolunda təmir işləri yekunlaşır

    Yolun bir hissəsində təmir işləri artıq bitib

    Bakı. 4 may. REPORT.AZ/ I Avropa Oyunlarında müəyyən edilmiş marşrut üzrə yol şəbəkəsinin yaxşılaşdırılması məqsədilə Bakı Dairəvi yolunda aparılan təmir-tikinti işləri yekunlaşmaq üzrədir. Yolun şəhər istiqamətinə doğru olan 14 km-lik hissəsinin təqribən 13 km-də təmir işləri artıq yekunlaşıb.

    Nəqliyat Nazirliyi “Azəryolservis” ASC-nin Mətbuat Katibliyindən "Report"a veriən məlumata görə, yolun 1 km-lik hissəsində isə təmir-tikinti işləri davam etdirilir. Hələlik sürücülər yolun məhz təmir olunmuş hissəsindən, daha dəqiq, "maşın bazarı" istiqamətinə doğru çıxan yola qədər istifadə edə bilirlər. Bakı Dairəvi yolla şəhər mərkəzinə doğru hərəkət edən nəqliyyat vasitələri “maşın bazarı” istiqamətinə çıxmaqla rahat və maneəsiz şəkildə hərəkətlərinə davam edə bilərlər. “20 Yanvar” dairəsinə, Biləcəri qəsəbəsi və Sumqayıt şəhərinə doğru hərəkət edən nəqliyyat vasitələri isə yolun 9,5 km-lik hissəsində yaradılmış keçiddən istifadə edərək Bakı Dairəvi yolun əks istiqamətinə çıxmaqla hərəkət edə bilərlər.

    Qeyd edək ki, Bakı Dairəvi yolun Lökbatan dairəsindən şəhərə doğru olan hissəsində Nəqliyyat Nazirliyinin “Azəryolservis” ASC tərəfindən təmir-tikinti işlərinə mart ayında başlanılıb. Təmir-tikinti işləri zamanı yol yatağının deformasiyaya uğramış hissəsi qazılaraq çıxarılıb, həmin hissədə yeni yol yatağı salınıb. Yolda 4 min kubmetr torpaq işləri görülüb, ümumilikdə təqribən 200 min kv. metr yeni asfalt-beton örtüyü salınıb. Yolda zədələnmiş və əyilmiş əyrixətli tirlər yeniləri ilə əvəzlənib, nişanlanma xətləri çəkilib və zəruri olan yerlərdə yol nişanları quraşdırılıb. Yolda təmir tərtib olunmuş qrafikə uyğun həyata keçirilir və işlərin yaxın günlərdə yekunlaşdırılması nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi