Yuxarı

​Bakı Beynəlxalq Hava Limanına gəlməli olan daha bir neçə reys təxirə salınıb

İstanbul, Naxçıvan və Vyana reysləri təxirə salınıb

Bakı. 19 fevral. REPORT.AZ/ Bir neçə gündür İstanbuldakı qarlı havaya görə Türk Hava Yollarının daha bir neçə reysi təxirə salınıb. AZAL-ın mətbuat xidmətinin rəhbəri Məhərrəm Səfərlinin “Report”a veridiyi məlumata görə, Türk Hava Yollarının bu gün 05:00, 08:00 və 14:20 radələrinə olan reysləri ləğv olunub. Bununla yanaşı, AZAL-ın 09:45-də gerçəkləşməli olan Bakı-İstanbul reysi də ləğv olunub. Reyslərin ləğv olunmasına səbəb İstanbuldakı hava şəraitidir: "Bununla yanaşı, hava şəraiti uyğun olarsa təxirə salınan reyslərin 20:45-də yola salınması planlaşdırılan AZAL-ın J2 077 nömrəli reysi ilə birləşdirilərək göndəriləcək".

Nəzərinizə çatdıraq ki, ləğv olunan reyslər hər biri İstanbulun Atatürk Hava Limanına olan uçuşlardır, şəhərin Avropa hissəsinə düşən güclü qar səbəbilə həmin hava limanına olan, Bakı da daxil olmaqla bir çox uçuşlar təxirə salınıb. İstanbulun Asiya hissəsində yerləşən Sabiha Gökçen Hava Limanında isə bütün uçuşlar öz qrafikinə uyğun həyata keçirilir.

Qeyd edək ki, bu gün 17:55-də gəlməli olan OS 644 nömrəli Vyana reysi və 23:50-də Bakıdan getməsi planlanan AZAL J2 257 nömrəli Naxçıvan reysi də ləğv olunub. Naxçıvan reysinin ləğv olunmasına səbəb bu gün üçün son reys olması və heç bir bilet alınmamasıdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi