Yuxarı

​"AzVirt" şirkəti Mingəçevirdə yol çəkəcək

Hazırda ərazidə geodeziya işləri aparılır və yolun özəyi hazırlanır

Bakı. 2 noyabr. REPORT.AZ/ "AzVirt" MMC "Azəryolsevis" ASC-nin keçirdiyi tenderin qalibi olub. "Report"un "Azəryolsevis"dən əldə etdiyi məlumata görə, "AzVirt" Mingəçevir-Bəhramtəpə (İmişli) avtomobil yolunun bir hissəsinin tikintisini reallaşdıracaq.

Müqaviləyə əsasən, tenderin qalibi Mingəçevir-Bəhramtəpə yolunun inşası layihəsinin birinci hissəsini həyata keçirəcək. Mingəçevir şəhəri və Mingəçevir dəmiryolu stansiyası arasındakı yolun ümumi uzunluğu 16 km-dir və tikinti işlərinə bu ayın ortalarında başlanılacaq.

Məlumata görə, hazırda “Gəncəkörpü“ ASC tərəfindən ərazidə geodeziya işləri aparılır və yolun özəyi hazırlanır.

Qeyd edək ki, ümumi uzunluğu 154 km olan Mingəçevir-Bəhramtəpə yolu üç hissədən ibarətdir və digər iki hissənin tikintisi ilə bağlı tender hələ elan edilməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi