Yuxarı
    Bağlamaq

    "Azəryolservis": Təcrübəsiz sürücülər Ağsu dolaylarından istifadə etməsinlər

    Yol təsərrüfat idarəsi sürücülərə xəbərdarlıq edib

    Bakı. 26 yanvar. REPORT.AZ/ Bakı-Şamaxı-Yevlax magistral yolunun Ağsu dolayları adlanan hissəsində nəqliyyat vasitələrinin hərəkətində problem müşahidə edilmir. Bunu "Report"a "Azəryolservis" ASC-nin mətbuat xidmətinin rəhbəri Anar Nəcəfli bildirib.

    A.Nəcəfli deyib ki, qurumun rayon üzrə Yol İstismar İdarələrinin əməkdaşları texnika vasitəsilə, həmçinin qreyder, duzsəpən və yük maşınlarının köməyi ilə dolaylarda yolun təmizləməsini həyata keçirir.

    Lakin A.Nəcəfli səriştəsiz və təcrübəsiz sürücülərə həmin dolaylardan istifadə etməməyi məsləhət görüb: "Avtomobillərini qışa hazırlamayan, həmçinin zərurət olmazsa, təcrübəsi olmayan sürücülərə həmin ərazidən hərəkət etməyi məsləhət görmürük. Buna baxmayaraq, hazırda maşınlar ərazidə sərbəst hərəkət edir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi