Yuxarı

"Azərsu" bayram günlərində gücləndirilmiş rejimdə işləyəcək

Şirkətdə artıq növbətçilik rejimi tətbiq edilib

Bakı. 5 iyul. REPORT.AZ/ “Azərsu” ASC Ramazan bayramı günlərində gücləndirilmiş iş rejimində fəaliyyət göstərəcək. 

Bunu “Report”a açıqlamasında “Azərsu”nun ictimaiyyətlə əlaqələr şöbəsinin rəhbəri Anar Cəbrayıllı bildirib.

Onun sözlərinə görə, ASC-də növbətçilik rejimi tətbiq edilib: “Bayram günlərində ASC-nin sədr müavinləri, departament müdirləri və şöbə rəisləri səviyyəsində 24 saat iş rejimi olacaq. Heç bir planlı fasilə olmayacaq". 

"Eyni zamanda növbətçilik baş idarəsi, rayon su kanal idarələri, qəza briqadamız və zəng mərkəzimiz 24 saat əhalinin xidmətində olacaq. Su ilə bağlı hər hansı bir problem olduğu halda əhalidən “Azərsu”ya məlumat vermələri xahiş olunur”, - deyə A.Cəbrayıllı qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi