Azərbaycandan Türkiyəyə avtomobillə gedilən vaxt azalacaq

Bakı. 14 iyun. REPORT.AZ/ Azərbaycanla Gürcüstan sərhədində olan "Qırmızı körpü" sərhəd-keçid məntəqəsindən Gürcüstanla Türkiyə sərhədindəki "Sarp" sərhəd-keçid məntəqəsinə qədər yolun qət edilməsi cəmi 4 saat təşkil edəcək.

"Report"un "Sputnik"ə istinadən verdiyi məlumata görə, bunu Gürcüstan Regional İnkişaf və İnfrastruktur Nazirliyinin Avtomobil Yolları Departamentin rəhbəti İrakli Karseladze layihəni xarici ölkələrin diplomatlarına təqdim edərkən deyib.

Onun sözlərinə görə, əvvəllər bu yolun qət edilməsinə 7-8 saat tələb olunurdusa, indi cəmi 4 saat olacaq. O, əlavə edib ki, yolun bir çox hissəsində sürət 80-100% artacaq.