Yuxarı
    Bağlamaq

    Azərbaycanda torpaqların icarə müddəti artırılıb

    Milli Məclisin plenar iclasında Meşə Məcəlləsində dəyişiklik layihəsi müzakirəyə çıxarılıb

    Bakı. 14 fevral. REPORT.AZ/ Azərbaycanda torpaqların icarə müddəti 5 dəfə uzadılıb.

    "Report"un xəbərinə görə, bununla bağlı Milli Məclisin bu gün keçirilən plenar iclasında Meşə Məcəlləsində dəyişiklik layihəsi müzakirəyə çıxarılıb.

    Layihəyə əsasən, meşə bitkiləri ilə örtülü olmayan meşə və qeyri-meşə torpaqları meşələrin bərpası məqsədilə təyinatı üzrə meşə istifadəçisinə (icarəçi) icarəyə müqavilə əsasında müvafiq icra hakimiyyəti orqanı (icarəyə verən) tərəfindən 1 ildən 49 ilədək uzadılır.

    İndiyədək bu müddət 10 ilə qədər olub.

    Qeyd olunub ki, qanuna edilən dəyişiklik meşə fondu torpaqlarından səmərəli istifadəyə imkan yaradacaq.

    Dəyişiklik layihəsi səsverməyə çıxarılaraq qəbul edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi