Bakı. 4 iyul. REPORT.AZ/ İyulun 15-dən Azərbaycandaxili sərnişin qatarlarında kupe və plaskart tipli vaqonlarda aşağı yerlərə 1,2 əmsalı tətbiq ediləcək, başqa sözlə həmin yerlərə biletlər 20% baha satılacaq.
“Report” xəbər verir ki, bu barədə “Azərbaycan Dəmir Yolları” QSC-nin açıqlamasında bildirilir.
Qurum bunu sərnişinlərə göstərilən xidmətin səviyyəsini artırmaq, çevik tarif siyasətinə və tənzimlənən gediş haqları sisteminə keçmək istəyi ilə izah edir.