Yuxarı
    Bağlamaq

    Azərbaycan və Tacikistan Bakı-Düşənbə aviareysinin bərpasını istəyir

    Azərbaycanın Tacikistandakı səfiri iqtisadi inkişaf və ticarət naziri ilə görüş keçirib

    Bakı. 22 oktyabr. REPORT.AZ/ Azərbaycanın Tacikistandakı səfiri Abbasəli Həsənov Tacikistanın iqtisadi inkişaf və ticarət naziri Neqmatullo Hikmatullozoda ilə görüşüb. "Report" Avesta.tj-ya istinadən xəbər verir ki, görüş zamanı tərəflər Bakı-Düşənbə aviareysinin bərpasının indiyə qədər gecikməsinin ikitərəfli münasibətlərin praktiki inkişafına mənfi təsir göstərdiyi fikri ilə razılaşıb.

    Tərəflər, həmçinin Tacikistan-Azərbaycan hökumətlərarası komissiyasının ticari-iqtisadi əməkdaşlıq üzrə 3-cü iclasının protokolunda göstərilən maddələrin həyata keçməsi yönündə fikir mübadiləsi aparıb.

    Abbasəli Həsənov həmsöhbətinə Azərbaycanın iqtisadi və sosial nailiyyətləri barədə məlumat verib. O, qeyd edib ki, Azərbaycan Cənubi Qafqazda lider dövlətdir və öz təcrübəsini dost Tacikistanla bölüşməyə hazırdır.

    Görüş zamanı tərəflər yaxın gələcəkdə istismara veriləcək Bakı-Tbilisi-Qars və Tacikistan-Əfqanıstan-Türkmənistan dəmir yolu layihələrinin birləşməsi perspektivinə də toxunub.

    Bu layihələrin birləşməsindən sonra reallaşacaq Asiya-Qafqaz-Avropa rabitə dəhlizinin əhəmiyyəti vurğulanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi