Bakı. 6 yanvar. REPORT.AZ/“Azərbaycan Dəmir Yolları” (ADY) QSC material qiymətlərinin satılması üzrə açıq hərrac elan edib.
ADY-dən "Report"a daxil olan məlumata görə, hərrac ayrı-ayrı lotlar üzrə keçirilir. Hərracda müvafiq sənədləri təqdim etmiş hüquqi və ya fiziki şəxslər iştirak edə bilərlər.
Hərracda iştirak etmək istəyən fiziki və hüquqi şəxslər satışa çıxarılan material qiymətləri ilə tanış olmaq, behin ödənilməsi üçün müvafiq hesab və digər əlavə məlumatı almaq üçün Baş Hərrac Komissiyasına (əlaqə telefon nömrəsi (+994 12) 499 65 16/499 42 62) müraciət edə bilərlər.
Sənədlər Hərrac Komissiyasında yanvarın 27-dək qəbul olunacaq, hərrac isə yanvarın 28-də “Azərbaycan Dəmir Yolları” QSC-nin Bakı şəhəri Dilarə Əliyeva küçəsi,230 ünvanında yerləşən əsas binasında keçiriləcək.
Açıq hərrac vasitəsilə satılması nəzərdə tutulan material qiymətləri:
Sıra sayı | Materialın adı | Ölçü vahidi | Materialın növü | Miqdarı/həcmi | Yerləşdiyi ünvan | Start qiyməti (ƏDV daxil) |
Alınma müddəti |
Beh |
Lot-1 | Rels | ton | 1A | 30 000 | “ADY” QSC-nin müəssisələri |
6 mln. manat | 3 ay | 10% |
Lot-2 | Hərəkət tərkibinin təkərləri və oxları |
ton | 1A | 30 000 | “ADY” QSC-nin müəssisələri |
6 mln. manat | 3 ay | 10% |
Lot-3 | Qara metal qırıntıları | ton | 3A | 30 000 | “ADY” QSC-nin müəssisələri |
4,5 mln. manat | 3 ay | 10% |