Yuxarı
    Bağlamaq

    "Azərbaycan Dəmir Yolları" bayram günlərində işini gücləndirəcək

    Həmin günlərdə nəqliyyat qurumu xüsusi tədbirlər görəcək

    Bakı. 16 mart. REPORT.AZ/ "Azərbaycan Dəmir Yolları" QSC Novruz bayramı günlərində növbəli rejimdə işləyəcək. Martın 18-19-da sərnişinlərin daha çox sıxlıq təşkil edəcəyi gözlənilir. Bu barədə "Report"a "Azərbaycan Dəmir Yolları" QSC-nin Mətbuat Katibliyinin rəisi Nadir Əzməmmədov bildirib.

    Onun sözlərinə görə, 18-19 mart tarixlərinə biletlər artıq satılıb.

    "Sərnişin sıxlığına uyğun olaraq qatarlara əlavə vaqonlar da qoşulacaq. Bundan başqa, sərhəd-keçid məntəqələrində gücləndirilmiş iş rejmi tətbiq olunacaq. Habelə, xüsusilə qatarlarda, platformalarda, körpülərdə, yükboşaltma məntəqələrində mühafizə xidməti gücləndiriləcək. Eyni zamanda, Azərbaycana gələn yüklərin boşaldılıb-yüklənməsi prosesi də davam edəcək. Bu, iş adamlarına bayram günlərində narahatlıq törədilməməsi məqsədilə həyata keçiriləcək", - deyə N.Əzməmmədov əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi