Yuxarı

"Asan FM" üçün istehsalçı şirkətlərə müraciət olunub

Teleradio İB proqramın yayımının təşkili istiqamətində iş aparır

Bakı. 23 noyabr. REPORT.AZ/ Azərbaycan ərazisində rəqəmli yayıma keçidin tam təmin edilməsi üçün “Teleradio” İB tərəfindən tədbirlər davam etdirilir.

Rabitə və Yüksək Texnologiyalar Nazirliyindən "Report"a daxil olan xəbərə görə, Birliyin texniki direktoru Mikayıl Abbasov yaxın günlərdə Şəmkir RTS-də 41 TVK-da quraşdırılacaq az güclü DVB-T verici vasitəsilə şəhərin yuxarı hissəsinin və ətraf kəndlərin əhalisinin rəqəmli yayımla təmin ediləcəklərini bildirib: “Hazırda “Kəpəz Müstəqil Teleradio Şirkəti” MMC-nin müraciətinə əsasən Poylu RTYS-də 1000 Vt gücündə "Kəpəz FM" proqramını yayımlayan vericinin quraşdırılması işləri həyata keçirilir və yaxın günlərdə göstərilən ərazidə radioproqramın yayımına başlanılacaq”.

M.Abbasov əlavə edib ki, “CBC Sport” proqramının 37 TVK-da yayımlanan sosial paketin tərkibinə daxil edilərək Bakı və Abşeron yarımadasında HD formatda yayımı təmin edilib. Bundan başqa, “İdman Azərbaycan” telekanalının yerüstü rəqəmli yayımının yüksək keyfiyyətli HD formatında yayımlanmasına başlanılıb. Hazırda sosial paketə daxil olan proqramların daha keyfiyyətli yayımının təmin edilməsi üçün onların Bakı və Abşeron yarımadasında iki paketdə yayımı (37 və 48 TVK) həyata keçirilir.

Azərbaycan prezidentinin dövlət xidmətləri sahəsində ixtisaslaşmış radio yaradılması ilə bağlı tapşırığına əsasən, Azərbaycan Prezidenti yanında Xidmət və Sosial İnnovasiyalar üzrə Dövlət Agentliyinin (ASAN Xirdmət) “Asan FM” ümumrespublika radio proqramının yayımının həyata keçirilməsi üçün edilən müraciətinə əsasən, "Teleradio"İB tərəfindən 5 kVt-lıq FM radiovericinin və anten-fider sisteminin alınması üçün istehsalçı şirkətlərə müraciət olunub və proqramın yayımının təşkil olunması istiqamətində işlər hazırda davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi