“Air France KLM” koronavirusdan çəkdiyi ziyanı açıqlayıb

“Air France – KLM” aviasiya alyansının COVİD-19 koronavirusu səbəbindən üzləşdiyi maliyyə itkiləri aprel ayına qədər 150-200 milyon avroyadək arta bilər.

“Report” “Reuters”ə istinadən xəbər verir ki, şirkətin açıqlamasında həmin vaxtadək Çinə uçuşların həyata keçirilməməsinin doğuracağı fəsadlar dəyərləndirilir.

Şirkətin maliyyə direktoru Frederik Qaje tərəfindən yayılan açıqlamada eyni zamanda Çinə uçuşlara nə zaman başlayacaqları hələlik dəqiq bilinmədiyi, bunun yubanması halında ziyanın daha da arta biləcəyi qeyd olunur.