YUĞ Teatrında 2 yeni tamaşanın premyerası olacaq

Bakı. 27 aprel. REPORT.AZ/ YUĞ Teatrında 2 yeni tamaşanın premyerası olacaq.

"Report" xəbər verir ki, bunu teatrın mətbuat katibi Könül Cəfərova bildirib.

Teatrda yazıçı Kamal Abdullanın "Bir-iki bizimki" pyesi əsasında "Səsimi unutma" adlı tamaşa hazırlanır. Səhnə əsərinin baş rejissoru Gümrah Ömərdir.  

Tamaşada rolları əməkdar artistlər Gülzar Qurbanova, Məmmədsəfa Qasımov, aktyorlar Ləman Novruzova və Amid Qasımov ifa edəcəklər.

K.Cəfərova deyib ki, digər tamaşanı rejissor Günay Səttar hazırlayıb.  

Tamaşaların premyerası may ayında olacaq.