Yuxarı
    Bağlamaq

    Azərbaycan teatrlarında nümayiş etdiriləcək Yeni il tamaşaları - SİYAHI

    Dinlə

    Bakı. 26 dekabr. REPORT.AZ/ Azərbaycanda fəaliyyət göstərən teatrlarda Yeni il münasibətilə şənliklər, bayram proqramları nümayiş olunacaq.

    “Report” teatrlarda uşaqlar üçün hazırlanan tamaşaların siyahısını tərtib edib.

    Akademik Milli Dram Teatrının kollektivi ənənəvi olaraq bu il də Yeni il şənlikləri və bayram tamaşası ilə azyaşlıları sevindirəcək. 27, 28, 29, 31 dekabr, 1, 2, 5, 6 yanvar tarixlərini əhatə edəcək. Bayram tamaşası (“Nindza Tısbağalar və kapitan Cekin macəraları” səhnə əsəri) saat 11:00, 13:00, 15:00 və 17:00-da gündə dörd seans olmaqla  təqdim olunacaq.

    Abdulla Şaiq adına Azərbaycan Dövlət Kukla Teatrı dekabrın 26-dan yanvarın 6-a qədər “Maşa və Ayının qış nağılı” tamaşası nümayiş etdiriləcək.

    Tamaşaçılar səhnə əsərinə hər gün saat 12:00, 14:00, 16:00 və 18:00-da dörd seans olmaqla baxa biləcəklər. Hər dörd seans Azərbaycan dilindədir.

    Azərbaycan Dövlət Rus Dram Teatrında Yeni il münasibətilə “Düyməcik tamaşası təqdim olunacaq. Tamaşa 30, 31 dekabr və 1, 2, 6 yanvar tarixlərində gündə 2 seans nümayiş etdiriləcək. Tamaşalara biletlər artıq satılıb. Lakin tamaşa yeni olduğundan yanvar ayı ərzində yenidən nümayiş olunacaq.

    Bakı Uşaq Teatrı 29 və 30 dekabrda 3 seans olmaqla Gədəbəydə, yanvarın 2-də isə iki seans olmaqla Bakıda “Şaxta Babanın toyu” tamaşasını təqdim edəcək.

    Azərbaycan Dövlət Musiqili Teatrında isə dekabrın ayının 28-dən yanvar ayının 6-a qədər gündə 4 seans olmaqla “Cırtdanın Yeni İl sərgüzəştləri” tamaşası nümayiş etdiriləcək.

    Azərbaycan Dövlət Akademik Opera və Balet Teatrında isə dekabrın 26-ı saat 19:00-da yanvarın 30-u saat 14:00-da isə uşaqlar üçün “Şelkunçik” nümayiş olunacaq.

    Gənc Tamaşaçılar Teatrında dekabrın 29-dan yanvarın 4-ə qədər saat 12:00, 14:00, 16:00-da 3 seans olmaqla, 5, 6 yanvar tarixlərində saat 12:00, 14:00, 16:00, 18:00-da  “Qar kraliçası” tamaşası nümayiş olunacaq.

    Rəşid Behbudov adına Dövlət Mahnı Teatrında dekabrın 29-dən yanvarın 3-dək saat  10:00, 12:00, 14:00, 16:00-da "Peppa və dostları" tamaşası nümayiş etdiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi