Yuxarı

Sumqayıt Teatrının binası yenidən qurulur

Teatrın 500 yerlik tamaşa və 100 yerlik konfrans zalı ən müasir avadanlıqla təchiz olunub

Bakı. 12 iyul. REPORT.AZ/ Sumqayıt Dövlət Dram Teatrı yenidən qurulur. 

"Report" xəbər verir ki, teatrda təmir-tikinti işləri başa çatmaq üzrədir. Yeni teatr binası sentyabrda Sumqayıt tamaşaçılarına təqdim ediləcək. 500 yerlik tamaşa və 100 yerlik konfrans zalı ən müasir avadanlıqla təchiz olunub, 360 dərəcə fırlanan səhnə tamamilə yenidən qurulub. Burada ən müasir səs-akustika sistemi quraşdırılıb. 

Teatrın ekspozisiyasının daha cəlbedici görünməsi üçün milli arxitektura nümunələrindən istifadə edilib. Binanın bütün xidməti, dekorasiya və qrim otaqları müasir üslubda tərtib olunub, mebellər tətbiqi sənətin qədim növü olan oyma üsulu ilə işlənib. Teatrın köhnə parket döşəməsi sökülərək monolit dəmir-beton plitələrlə əvəzlənib, binadakı sütunlar isə mərmərdən düzəldilib.

Xatırladaq ki, Hüseyn Ərəblinski adına Sumqayıt Dövlət Dram Teatrı 1969-cu il martın 14-də Azərbaycan dramaturgiyasının banisi Mirzə Fətəli Axundovun “Müsyo Jordan və Dərviş Məstəli şah” komediyası ilə pərdələrini açıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi