Yuxarı
    Bağlamaq

    Sumqayıt teatrında “İyirmi ildən sonra” tamaşası oynanılıb

    Səhnə əsəri son dəfə 4 il əvvəl nümayiş etdirilib

    Bakı. 9 dekabr. REPORT.AZ/ Sumqayıt Dövlət Dram Teatrında Əli Əmirlinin “İyirmi ildən sonra” psixoloji dramı əsasında hazırlanan eyniadlı tamaşanın yeni versiyası təqdim olunub.

    "Report" xəbər verir ki, tamaşa son dəfə 4 il əvvəl oynanılıb.

    Aktyor həyatına həsr olunan əsər müasir dövrdə cərəyan edir. Xalq artisti, zamanında qəhrəman rollarının ifaçısı olmuş Otello yoxsulluğun, maddi sıxıntının girdabında əziyyət çəkir. Həyat yoldaşı İşıq xanım nəinki ona mənəvi dayaq olmur, hətta xarici dövlətlərin birində səfirlikdə işləyən kişiyə qoşulub gedir. Hadisələrin inkişafı gərgin dramatik həddə çatır. Amma son anda İşıq xanım pulun, mal-dövlətin heç də bir çox duyğuları əvəz edə bilməyəcəyini anlayır və peşimançılıq hissi keçirir.

    Tamaşanın quruluşunu, teatrın baş rejissoru əməkdar artist Firudin Məhərrəmov verib.

    Rollarda əməkdar artistlər İlahə Səfərova, Rauf Ağakişiyev, aktyorlar Cəlal Məmmədov, Xatirə Süleymanova, İlham Səfərli, İlahə Vilayət qızı, Şəmistan Süleymanlı və Vaqif Səmədzadə çıxış edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi