Yuxarı

Şeron Stoun beyninə qan sızmasından danışıb

Şeron Stoun beyninə qan sızmasından danışıb
Həkimlər həmin vaxt onun yaşama şansını 5 faiz qiymətləndiriblər

Bakı. 15 yanvar. REPORT.AZ/ Amerikalı aktrisa Şeron Stoun 2001-ci ildə beyninə qan sızmasından danışıb.

“Report” xəbər verir ki, aktrisanın sözlərinə görə, həkimlər həmin vaxt onun yaşama şansını 5 faiz qiymətləndiriblər.

Şeron Stoun bildirib ki, bu onun peşəkar keyfiyyətinə təsir göstərib və o, uzun müddət kinoda rol ala bilməyib.

"Mənim bütün həyatım məhv oldu", — deyə CBS telekanalı Stounun sözlərini sitat gətirib.

Aktrisa telekanala müsahibəsində işinə qayıtmağa hazır olduğunu və bunun hazırda onun üçün əsas məqsəd olduğunu deyib.

Stoun aktyor karyerasına 1980-ci ildə başlayıb. O, "Kazino", "Əsas instinkt", "Pişik qadın", "Qırılmış güllər", "Yonqar" və s. kimi tanınmış filmlərdə rol alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi