Yuxarı
    Bağlamaq

    Şəki teatrı bölgələrdə qastrol səfərindədir

    Teatr Yevlax, Balakən və Qax rayonlarında tamaşa nümayiş etdirəcək

    Bakı. 12 iyul. REPORT.AZ/ Sabit Rəhman adına Şəki Dövlət Dram Teatrı Azərbaycanın bölgələrində qastrol səfərindədir.

    Bu barədə "Report"a Şəki teatrının aktyoru, əməkdar artist Xanlar Həşimzadə məlumat verib.

    Onun sözlərinə görə, teatr yazıçı Əhməd Orucoğlunun "Oğru" əsəri ilə Şamaxı və Qəbələ rayonlarında çıxış edib: "Yevlax, Balakən və Qax rayonlarında da tamaşa nümayiş etdirəcəyik". 

    Qastrol səfəri iyulun 18-dək davam edəcək.

    Xatırladaq ki, teatrın reperuarında sevilən tamaşalardan olan Əhməd Orucoğlunun "Oğru" əsərinə teatrın aktyoru, əməkdar artist Əbülfət Salahov quruluş verib.

    Səhnə əsərində əsas rolları əməkdar artistlər Əbülfət Salahov, Xanlar Həşimzadə, İqrar Salamov və başqaları ifa edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi