Yuxarı
    Bağlamaq

    Rusiyanın tanınmış aktyorları Bakıda tamaşa oynayacaq

    Tamaşa əsl kişi dostluğundan bəhs edir

    Bakı. 25 mart. REPORT.AZ/ Aprelin 25-də Akademik Opera və Balet Teatrının səhnəsində tanınmış rus aktyorları çıxış edəcək.

    "Report" xəbər verir ki, Yasmina Rezanın qələmə aldığı "Kişilər. Gizli dinlənənlər" əsəri Rusiyanın 3 aktyorunun ifasında nümayiş ediləcək.

    Bir dənə də qadın rolu olmayan, dostluq və incəsənət haqqında bu qəribə komediyanı 1994-cü ildə Yasmina Reza yazıb. Pyes tezliklə 35 dilə tərcümə edilib, ilin sensasiyası adlandırılıb və Fransanın ən prestijli Comedie de Champs Elysees teatrında səhnələşdirilib.

    1997-ci ildə fransız rejissor Patris Kerbrat Rusiyaya gələrək, İqor Kostolevski, Mixayıl Yanuşkeviç və Mixayıl Filippovla tamaşanın rus variantını səhnələşdirir. O vaxtdan tamaşa ölkənin müxtəlif teatrlarında səhnəyə qoyulub, lakin tənqidçilərin rəylərinə görə ilk tamaşa ən yaxşı tamaşa olaraq qalır.

    Beləliklə, aprelin 25-də "Kişilər. Gizli dinlənənlər" adlı tamaşa Akademik Opera və Balet Teatrının səhnəsində Bakı tamaşaçılarına təqdim ediləcək.

    Saat 20.00-də oynanılacaq tamaşanın biletləri 25-75 manatdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi