Yuxarı

"Qurdlar vadisi"nin rejissoru Azərbaycana gəlib

Osman Sınav Azərbaycan Dövlət Film Fondunda olub

Bakı. 7 dekabr. REPORT.AZ/ Tanınmış türk rejissoru, ssenarist, Osman Sınav Azərbaycan Dövlət Film Fondunda olub.

"Report" xəbər verir ki, tanınmış rejissor Bakıya "Türkiyə Kino Günləri"nin açılışında iştirak etmək üçün gəlib. Onun çəkdiyi "Uzun hekayə" bədii filmi Türkiyə Kinosu Günlərində nümayiş etdiriləcək. Tanınmış rejissor Bakıya filminin nümayişdə iştirak etmək üçün gəlib.

Dövlət Film Fondunda qonaq olan O.Sınav Fondun binası ilə yaxından tanış olub. Ona Film Fondunun muzeyi, kino avadanlıqları nümayiş etdirilib.

Film Fondu ilə tanışlıqdan sonra O.Sınav Azərbaycan və Türkiyə kinematoqrafiyasının ortaq tərəflərindən danışıb. Rejissor bildirib ki, gələcəkdə Azərbaycanla ortaq film çəkmək arzusundadır.

1990-cı ildən televiziya filmləri çəkməyə başlayan O.Sınav "Dəli ürək" adlı dizisi ilə məşhurlaşıb.

Kənan İmirzalıoğlunu kəşf edən rejissor, "Ekmek təknəsi", "Acı hayat" və "Qurtlar vadisi" serialları ilə lap çox tanınıb. "Kurtlar Vadisi" serialının 55 bölümü O.Sınavın quruluşunda ekranlaşdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi