Yuxarı

"Nabat” filmi 14-cü Dəkkə film festivalında nümayiş olunub

Festivalın əsas müsabiqə proqramında yer alan filmin növbəti nümayişi yanvarın 22-də keçiriləcək

Bakı. 18 yanvar. REPORT.AZ/ Elçin Musaoğlunun “Nabat” bədii filmi Banqladeşdə keçirilən 14-cü Dəkkə Beynəlxalq Film Festivalında (DIFF) nümayiş olunub.

"Report" xəbər verir ki, bu barədə məlumatı "Azərbaycanfilm" kinostudiyası yayıb.

Filmin yaradıcı heyəti təqdimata qatılıb. Festivalın əsas müsabiqə proqramında yer alan filmin növbəti nümayişi yanvarın 22-də keçiriləcək.

Xatırladaq ki, Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında 2014-cü ildə lentə alınan filmin ssenari müəllifləri Elxan Nəbiyev və Elçin Musaoğlu, quruluşçu operatoru Əbdülrəhim Bəşərat, quruluşçu rəssamı Şahin Həsənli, bəstəkarı Hamed Sabet, icraçı prodüseri Arif Səfərov, prodüseri Müşfiq Hətəmovdur. Ekran əsərində baş rolları Fatimə Motamed Arya, Vidadi Əliyev, Sabir Məmmədov, Fərhad İsrafilov və digərləri canlandırır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi