Yuxarı
    Bağlamaq

    Məlahət Abbasova Bakıda yeni filmə çəkilib

    Əməkdar incəsənət xadimi Türkiyəyə qayıdıb

    Bakı. 24 sentyabr. REPORT.AZ/ Azərbaycanın əməkdar incəsənət xadimi, uzun illərdir Türkiyədə yaşayan aktrisa Məlahət Abbasova Bakıda yeni filmə çəkilib.

    Bu barədə "Report"a M.Abbasova özü məlumat verib.

    O, artıq Türkiyəyə qayıtdığını bildirib: "Bir müddətdir Bakıya - doğma şəhərimə gəlmişdim. Gənc prodüser Sarvan və yeni çəkilən filmin rejissorları Ruslan İsmayılov və Nicat Rzazadənin ekranlaşdırdığı bədii filmdə əsas obrazlardan birini canlandırıram. Bu film gənclərin ilk ekran əsəridir. Mən prodüserə söz vermişdim ki, onlara ilk filmlərində dəstək olacam. Sözümün üzərində dayandım. Çəkilişlər dörd gün olmalı idi. Bir-iki gün uzandı. İlk çəkilişimiz Göyçayda oldu. Sonra Bakıda davam etdi. Mənimlə birlikdə bu filmdə əməkdar artist Sabir Məmmədov çəkilir".

    Qeyd edək ki, M.Abbasova Bakıda olduğu müddətdə Akademik Milli Dram Teatrında mövsümün açılışında, "Qarabağnamə" tamaşasında iştirak edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi