Yuxarı

Həştərxanda "Qızıl çölün səsləri” festival-müsabiqəsi keçiriləcək

Festival sentyabrın 14-dən 20-dək davam edəcək

Bakı. 24 avqust. REPORT.AZ/ Rusiyanın Həştərxan şəhərində "Qızıl çölün səsləri" V beynəlxalq etnomusiqi festival-müsabiqəsi keçiriləcək.

"Report" xəbər verir ki, bu barədə məlumatı Mədəniyyət və Turizm Nazirliyi yayıb.

Sentyabrın 14-dən 20-dək davam edəcək festival-müsabiqə "Ənənəvi xalq instrumental ifaçılığı", "Solo xalq ifaçılığı", "Ənənəvi xalq xoreoqrafiyası", "Ənənə xalq ansambl ifaçılığı" nominasiyaları üzrə keçiriləcək. Tədbirdə, həmçinin sərgilər, ustad dərsləri və yaradıcılıq görüşləri təşkil olunacaq.

Qeyd edək ki, mərasimə Azərbaycan, Qazaxıstan və Rusiyanın regionlarından 200-dək iştirakçının qatılacağı gözlənilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi