Görkəmli cazmenin xatirəsi yad ediləcək

Bakı. 12 may. REPORT.AZ/ Mayın 13-də Müslüm Maqomayev adına Azərbaycan Dövlət Filarmoniyasının Kamera və Orqan Musiqisi Zalında Bakı şəhər R. Babayev adına 25 №-li Onbirillik Musiqi Məktəbinin konserti keçiriləcək.

Bu barədə “Report”a Mədəniyyət və Turizm Nazirliyinin İnformasiya və İctimaiyyətlə əlaqələr şöbəsindən məlumat verilib.

Konsert xalq artisti, görkəmli cazmen Rafiq Babayevin 80 illik yubileyinə həsr olunur.

Giriş sərbəstdir.