Yuxarı
    Bağlamaq

    Gəncə teatrında "Şəhrizadın oyunu" tamaşasının premyerası olub

    Əsər türk yazıçısının pyesi əsasında hazırlanıb

    Bakı. 4 may. REPORT.AZ/ Gəncə Dövlət Dram Teatrında türk dramaturqu Turqay Narın "Şəhrizadın oyunu" əsəri əsasında hazırlanan tamaşanın premyerası olub. Bu barədə "Report"a Gəncə Dövlət Dram Teatrının direktoru Əli Qasımov məlumat verib.

    Əsər "Min bir gecə nağılları"nın motivləri əsasında yazılıb. Tamaşanın quruluşçu rejissoru Elşad Əhmədovdur. Əsəri türk dilindən çevirən Mehman Musabəylidir.

    Tamaşada əsas rolları Kamil Məmmədov, Kəmalə Məmmədova, əməkdar artist Novruz Cəfərov və başqaları ifa edir.

    Qeyd edək ki, Gəncə teatrının baş rejissoru İradə Gözəlova Cəlil Məmmədquluzadənin "Dəli yığıncağı" əsəri əsasında tamaşa hazırlayır. Səhnə əsərinin son məşqləri gedir. Tamaşa mayın sonunda təqdim ediləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi