Gənc Tamaşaçılar Teatrında uşaqlar üçün yeni tamaşa hazırlanır

Bakı. 2 oktyabr. REPORT.AZ/ Gənc Tamaşaçılar Teatrının baş rejissoru, Azərbaycan və Kalmıkiya Respublikalarının əməkdar incəsənət xadimi Bəhram Osmanov yeni uşaq tamaşası hazırlayır.

Bəhram Osmanov "Report"a bildirib ki, "Biri var idi, biri yox idi" adlı tamaşanın son məşqləri gedir.

Əsərin müəllifi Əjdər Ol, rəssamı Elşən Sərxanoğlu, bəstəkarı Məryəm Əlibəylidir. Rolları Vahid Orucoğlu, Ramil Məmmədov, İradə Rəşidova, Səbinə Məmmədova, Zümrüd Quliyeva və başqaları ifa edir. 

Rejissorun sözlərinə görə, tamaşanı yaxın günlərdə təhvil verəcəklər: "Tamaşa uşaqlara hədiyyəmdir".