Yuxarı
    Bağlamaq

    Gənc Tamaşaçılar Teatrında “Koroğlu” dastanının motivləri əsasında yeni tamaşa hazırlanacaq

    Yeni səhnə əsərində əsas obrazları ADGTT-nın aktyorları ifa edəcəklər

    Bakı. 11 iyul. REPORT.AZ/ Azərbaycan Dövlət Gənc Tamaşaçılar Teatrı (ADGTT) türk dünyasının ortaq qəhrəmanı olan “Koroğlu” dastanının motivləri əsasında yeni və tam fərqli bir tamaşa hazırlayacaq. 

    Teatrın mətbuat xidmətindən "Report"a verilən məlumata görə, bu məqsədlə Bakı Yunus Əmrə İnstitutunun direktoru İbrahim Yıldırımla teatrın direktoru, Əməkdar incəsənət xadimi Mübariz Həmidov arasında görüş keçirilib. 

    Görüş zamanı yeni teatr mövsümündə ilk müştətək layihə barədə danışıqlar aparılıb. İkitərəfli danışıqlar nəticəsində bu ilin noyabr ayında Yunus Əmrə İnstitutu və teatrın təşkilatçılığı ilə “Eşqi Nigar” adlı tamaşanın nümayiş etdirilməsi barədə razılıq əldə olunub. “Koroğlu” dastanının motivləri əsasında hazırlanacaq layihədə təkcə tamaşa deyil, “Koroğlu” dastanını əhatə edən digər sənət nümunələri də təqdim olunacaq. Eposu əhatə edən foto, rəssamlıq və kitabların sərgisi qəhrənmanlıq dastanının gənc nəsil tərəfindən tanınmasına şərait yaradacaq. Layihənin reallaşmasında əsas məqsəd Azərbaycan-Türkiyə ortaq mədəni dəyərlərini öyrənmək, türk dünyasının tanınmış qəhrəmanı Koroğlunun haqq-ədalət, kimsəsizlərə əl tutmaq kimi nəcib hisslərini gənc nəsillərə bir daha təqdim etmək, həmçinin “Koroğlu” haqqında hazırlanmış əsərlərin təbliğ edilməsidir.

    Tamaşanın quruluşçu rejissoru, əməkdar incəsənət xadimi Bəhram Osmanovdur. 

    Yeni səhnə əsərində əsas obrazları ADGTT-nın aktyorları ifa edəcəklər. Tamaşanın Bakı premyerası noyabr ayının ortalarında, Türkiyənin Bolu şəhərindəki nümayişi isə dekabr ayında nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi