Yuxarı

Bərpaçı rəssam Gülşən Hacıyevanın fərdi sərgisi açılıb

Sərgidə rəssamın 150-dək əsəri nümayiş olunur

Bakı. 7 avqust. REPORT.AZ/ Bakıda Azərbaycanın bərpaçı rəssamı Gülşən Hacıyevanın fərdi sərgisi açılıb. Bu barədə "Report"a Mədəniyyət və Turizm Nazirliyinin mətbuat xidmətindən məlumat verilib. 

Sərgi Rəssamlar İttifaqının Vəcihə Səmədova adına sərgi salonunda keçirilir.

Mədəniyyət və Turizm Nazirliyi və Azərbaycan Rəssamlar İttifaqının birgə təşkilatçılığı ilə reallaşan sərgidə rəssamın 150-dək əsəri nümayiş olunur. Həmçinin rəngkarlıq, qrafika, tətbiqi sənət və heykəltəraşlıq sənətinə aid müxtəlif mövzulu portretlər də təqdim edilir. Fırça ustasının əsərlərində müxtəlif fəlsəfi yanaşma, emosional hisslərin rənglərlə ifadəsi öz əksini tapıb.

Qeyd edək ki, sərgi Azərbaycan Dövlət Rəssamlıq Akademiyasında baş müəllim kimi fəaliyyət göstərən Gülşən Hacıyevanın 65 illik yubileyi çərçivəsində keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi