Yuxarı

"Baku Chamber Orchesta" gənclər kamera orkestri Daşkənddə konsert verib

Tədbir Heydər Əliyevin doğum gününə həsr olunub

Bakı. 14 may. REPORT.AZ/ Özbəkistan Dövlət Konservatoriyasında Üzeyir Hacıbəyli adına Bakı Musiqi Akademiyasının "Baku Chamber Orchesta” gənclər kamera orkestrinin konserti keçirilib.

Azərbaycanın Özbəkistandakı səfirliyindən "Report"a verilən məlumata görə, səfirliyin nəzdindəki Heydər Əliyev adına Mədəniyyət Mərkəzinin təşəbbüsü ilə Azərbaycan xalqının ümummilli lideri Heydər Əliyevin doğum gününə həsr olunmuş silsilə tədbirlər çərçivəsində baş tutan konsertdə Azərbaycandan və Özbəkistandan fəxri qonaqlar, deputatlar, dövlət nümayəndələri və digərləri iştirak ediblər.

Səfir Hüseyn Quliyev tədbiri giriş sözü ilə açaraq Heydər Əliyevin həyat və fəaliyyəti haqqında danışıb, məhz ümummilli liderin 92-ci ildönümü münasibətilə Bakı Musiqi Akademiyasının gənclər kamera orkestrinin Bakıdan xüsusi olaraq dəvət olunduğunu qeyd edib. 

Tədbirin bədii hissəsində Niyazi, Fikrət Əmirov, Qara Qarayev, Aqşin Əlizadə, Vasif Adıgözəlov, Vaqif Mustafazadə və digər tanınmış Qərb bəstəkarların;n əsərləri ifa olunub.

Konsertdə Bakı Musiqi Akademiyasının rektoru, xalq artisti Fərhad Bədəlbəyli, əməkdar artist Samirə Cəlilova, beynəlxalq müsabiqələr laureatları Aytac Şıxəlizadə və Emil Bağırov Azərbaycan və dünya bəstəkarlarının klassik əsərlərini ifa ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi