Bakı Simfonik Orkestri Tehranda konsert verəcək

Bakı. 30 iyul. REPORT.AZ/ Bakı Simfonik Orkestri Tehranda konsert proqramı ilə çıxış edəcək.

"Report" İran KİV-inə istinadən xəbər verir ki, konsert avqustun 14-də "Vəhdət Teheran" zalında keçiriləcək. Orkestrə dirijor Vahid Əlipur rəhbərlik edəcək.

Orkestr Pablo de Sarasate, Çarlz-Kamil Sen-Sans, Fikrət Əmirov və digər tanınmış bəstəkarların əsərlərini səsləndirəcək.

Qeyd edək ki, Tehran konserti Bakı Simfonik Orkestrinin Şimali Xorasan əyalətindəki Boynurd şəhəri ilə başlayan konsert turunun bir hissəsidir.