Yuxarı

Bakı haqqında yeni film çəkilib

Film Dünya paytaxtları silsiləsindən ekranlaşdırılıb

Bakı. 11 aprel. REPORT.AZ/ Macar Kinematoqrafçılar Gildiyasının üzvü, rejissor, prodüser və film direktoru Bela Dospod Azərbaycanın Macarıstandakı səfirliyinin dəstəyi ilə "Dünya paytaxtları" silsiləsindən Bakı haqqında sənədli film üzərində işini başa çatdırıb.

"Report" xəbər verir ki, bu barədə məlumatı Mədəniyyət və Turizm Nazirliyi yayıb. 

Müəllifin London, Lissabon, Tunis, Bratislava, Praqa kimi paytaxtlardan bəhs edən filmlərinin ardınca Azərbaycan paytaxtı haqqındakı ekran işi yerli telekanallarla nümayiş etdirilib. 26 dəqiqəlik film Budapeştdən Bakıya, artıq neçə ildən bəri burada yaşayan rəfiqəsinin yanına gələn macar gəncinin ölkənin paytaxtı ilə tanışlığını əks etdirir. Onlar birlikdə Bakı və şəhər ətrafını gəzib dolaşırlar. Qobustan qayalarına, neft mədənlərinə, Yanardağa, palçıq vulkanlarına tamaşa edirlər. Tar musiqisi ilə müşayiət olunan film boyu iki macar gənci ölkə haqqında təəssüratlarını bölüşür, həmvətənlərini turist kimi Bakıya gəlməyə, Azərbaycanla daha yaxından tanış olmağa səsləyir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi