Yuxarı

Azərbaycanlı rejissor vəfat edib

Dəfn mərasimi bu gün keçiriləcək

Bakı. 4 may. REPORT.AZ/ Kinorejissor Nicat Feyzullayev vəfat edib. "Report" xəbər verir ki, bu barədə məlumatı “Azərbaycanfilm” kinostudiyası yayıb.

Dəfn mərasimi bu gün saat 16.00-da "Rəssamlar evi" kimi tanınan binada keçiriləcək. 

Nicat Feyzullayev 1945 -ci il noyabrın 1-də Bakıda anadan olub. 1964-1969-cu illərdə Azərbaycan Politexnik İnstitutunda, 1973-1979-cu illərdə Leninqrad Dövlət Teatr, Musiqi və Kinematoqrafiya İnstitutunda təhsil alıb. 1970-ci illərdən "Azərbaycanfilm" kinostudiyasında işləyib.

O, "Küçələrə su səpmişəm", "Qızıl balıq", "Arvadım mənim, uşaqlarım mənim" bədii filmlərinə və bir çox sənədli filmlərə, "Mozalan" süjetlərinə quruluş verib. 

Xatırladaq ki, Nicat Feyzullayev görkəmli rəssamlar Vəsihə Səmədova və Lətif Feyzullayevin övladıdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi