Yuxarı
    Bağlamaq

    "Azanfilm" studiyasının direktoru işdən çıxıb

    Direktor vəzifəsini Əlisəttar Quliyev icra edir

    Bakı. 1 sentyabr. REPORT.AZ/ "Azanfilm" studiyasının direktoru Fariz Əhmədov işdən çıxıb. 

    Bu barədə "Report"a Fariz Əhmədov məlumat verib. 

    F.Əhmədov bildirib ki, vəzifəsindən öz istəyi ilə ayrılıb: "Özüm ayrılmaq istədim. Çünki işim yaradıcılıq fəaliyyətimə mane olurdu. Direktor olduğum 3 il ərzində bir film olsun belə çəkə bilməmişdim. Yaradıcılıq işlərinə vaxt ayıra bilmirdim. Ona görə də, belə qərara gəldim ki, yaradıcılıq fəaliyyətimə geri qayıdım. Artıq yeni filmin çəkilişlərinə başlamışam".

    Onun sözlərinə görə, "Azanfilm" studiyasına hələlik yeni direktor təyin edilməyib. Direktorun səlahiyyətlərini müvəqqəti olaraq Əlisəttar Quliyev icra edir. Ə.Quliyev "Azanfilm" studiyasının direktor müavinidir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi