Bakı. 10 may. REPORT.AZ/ Azərbaycan Dövlət Akademik Opera və Balet Teatrında mayın 21-də xalq artisti mərhum Aqşin Əlizadənin 80 illik yubileyi ilə bağlı onun xatirəsinə həsr olunan balet axşamı keçiriləcək.
Teatrın mətbuat xidmətindən "Report"a verilən məlumata görə, balet axşamının proqramına A.Əlizadənin iki birpərdəli "Qafqaza səyahət" və "Ümid valsı" baletinin tamaşası salınıb.
Hər iki tamaşada teatrın balet truppasının artistlərinin çıxışı nəzərdə tutulub.
Tamaşaları xalq artisti, professor Cavanşir Cəfərov idarə edəcək.