Yuxarı
    Bağlamaq

    Almaniyada IV Beynəlxalq Nürnberq Folklor Festivalı keçirilib

    Azərbaycan rəqqasları səhnəyə Türkiyə və Azərbaycan bayraqları ilə çıxıb və Bir millət, iki dövlət! şüarını səsləndiriblər

    Bakı. 9 fevral. REPORT.AZ/ Almaniyanın Nürnberq şəhərində IV Beynəlxalq Nürnberq Folklor Festivalı keçirilib.

    "Report" Türkiyə mətbuatına istinadən xəbər verir ki, Folklor Festivalını Almaniyada yaşayan Əbdürrəhman Gömrükçü adlı türk vətəndaşı təşkil edib.

    400 nəfərin iştirak etdiyi Folklor Festivalının açılışında çıxış edənlər Almaniyanın türklər üçün ikinci Vətən olduğunu deyiblər. Sonra festivalın konsert proqramı başlayıb.

    Tədbirdə Rusiya, Almaniya, Yunanıstan, Türkiyə, İspaniya, İndoneziya, Qambiya, Macarıstan, Bolqarıstan, Filippindən gəlmiş musiqi qrupları iştirak ediblər.

    Azərbaycandan gəlmiş musiqi qrupunun çıxışı sürəkli alqışlarla qarşılanıb. Azərbaycanı təmsil edən rəqqaslar səhnəyə Türkiyə və Azərbaycan bayraqları ilə çıxıb və "Bir millət, iki dövlət!" şüarını səsləndiriblər.

    Tədbirdə Ermənistandan gəlmiş musiqi qrupu da iştirak edib.

    Üç saat davam edən musiqi bayramının sonunda qonaqlara türk mətbəxinin ən ləziz təamları təqdim edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi