​“Sony” yeni smartfonunu sentyabrda təqdim edəcək

Bakı. 7 iyul. REPORT.AZ/ “Sony” şirkəti son istehsal etdiyi, yeni model smartfonu “Xperia Z5”i sentyabr ayında təqdim edəcək. “Report” xarici mediaya istinadən bildirir ki, şirkət bundan öncə “Xperia Z4” yerinə onun xüsusiyyətlərinə sahib olmayan “Xperia Z3+”ün təqdimatını etməklə “Sony” pərəstişkarlarını məyus edib. Şirkət yeni bir addımla əvvəlki səhvini düzəldəcəyini açıqlayıb.

Onlayn məkanda son vaxtlar “Xperia Z5”, “Xperia Z5 Compact” və “Xperia Z5 Ultra” smartfonları haqqında söz-söhbətlər yayılmağa başlayıb. Son məlumatda isə qeyd olunub ki, adı çəkilən modellərdən biri “Xperia Z5” sentyabr ayında təqdim edilən model olacaq.