Yuxarı

​Səhiyyə Nazirliyi yeni elektron xidmətlərin tətbiqinə hazırlaşır

Artıq ölüm haqqında tibbi şəhadətnaməni onlayn almaq mümkün olacaq

Bakı. 13 fevral. REPORT.AZ/ Azərbaycan Səhiyyə Nazirliyi yeni elektron xidmətlərin tətbiqinə hazırlaşır. Nazirlik səhiyyə sahəsində elektron xidmətlərin sayını artırmaq niyyətindədir. 

“Report” xəbər verir ki, Səhiyyə Nazirliyi tərəfindən göstərilməsi nəzərdə tutulan bir sıra yeni elektron xidmətlər hələlik hazırlıq mərhələsindədir.

Bu mərhələdə olan elektron xidmətlərə “Həkim axtarışı”, “Ambulator tibb müəssisələrindən evə çağırış və ya həkim qəbuluna e-qeydiyyat”, “Tibbi arayışların elektron registrindən məlumatların verilməsi”, “Ölüm haqqında tibbi şəhadətnamə”, “Elektron registrindən məlumatların verilməsi”, “Özəl tibb müəssisəsində narkotik və psixotrop maddələrin istifadəsinə razılıq məktubunun verilməsi”, “Dərman vasitələrinin idxalına icazə verilməsi üçün müraciətin və sənədlərin qəbulu”, “Prekursorların idxalı, ixracı, tranzit nəql edilməsi və istehsalı ilə məşğul olmağa xüsusi razılığın verilməsi (lisenziya) üçün müraciətin və sənədlərin qəbulu”, “Xarici ölkələrdə tibbi təhsil və ya fəaliyyət göstərilməsi üçün müvafiq arayışın verilməsi məqsədilə müraciətin və sənədlərin qəbulu”, “Respublikadan kənarda müalicə alınması ilə əlaqədar müraciətin və sənədlərin qəbulu” daxildir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi