Yuxarı
    Bağlamaq

    ​Kiberidman üzrə növbəti çempionatın milli seçim turu başa çatıb

    Müraciətlər ümumilikdə 100-ə yaxın olub

    Bakı. 10 avqust. REPORT.AZ/ “MCS Open” (Moscow Cyber Stadium Open) kiberidman çempionatının III mövsümü üzrə milli seçim turu artıq başa çatıb. Nəticədə, daxil olan müraciətlərin ümumi sayı 100-ə yaxın olub.

    “Report” Rabitə və Yüksək Texnologiyalar Nazirliyinə istinadən bildirir ki, bu barədə Azərbaycan Kiberidman Federasiyasının prezidenti Ramil Əliyev məlumat verib.

    Üç növ üzrə təşkil edilən çempionatın milli seçim turunda “DOTA2” (5x5) üzrə 12 komanda, “CS:GO” (5x5) üzrə 5 komanda, “HearthStone” (1x1) fərdi yarışlar üzrə isə 12-18 nəfər seçilib.

    Qeyd edək ki, turnirin finalı Moskvada, “Moscow Cyber Stadium” meydançasında təşkil olunacaq. Turnirə qatılmaq üçün iştirakçı mütləq milli seçim mərhələsində (LAN) qalib gəlməli və beynəlxalq regional seçmə mərhələsinin (onlayn) TOP4-nə vəsiqə qazanmalıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi