Floridadan fəzaya buraxılan "Falcon 9" raket daşıyıcısı geri qayıdan zaman qəzaya uğrayıb - VİDEO

6 Dekabr , 2018 06:57

Bakı. 6 dekabr. REPORT.AZ/ Amerikanın Florida ştatında yerləşən kosmodromdan "Dragon" kosmik yük gəmisini daşıyan "Falcon 9" raket daşıyıcısı fəzaya buraxılıb.

“Report” xəbər verir ki, bu barədə "SpaceX" şirkətinin mətbuat xidməti məlumat yayıb.

Bildirilir ki, "Dragon" yük gəmisi Beynəlxalq Kosmik Stansiyaya (BKS) 2,6 ton yük çatdırmalıdır.

"SpaceX" şirkətinin məlumatına görə, "Falcon 9" raket daşıyıcısı "Dragon" yük gəmisini BKS-ə buraxdıqdan sonra Florida kosmadromuna geri qayıdan zaman Atlantik okeanına düşüb.

Şirkət rəhbəri İlon Mask "Twitter"də yazıb ki, raket daşıyıcısının uğursuz enişi hidravlik nasosdakı problemlə bağlı olub.

"Falcon 9" raket daşıyıcısı bundan əvvək noyabrın 15-da fəzaya buraxılıb.

Engines stabilized rocket spin just in time, enabling an intact landing in water! Ships en route to rescue Falcon. pic.twitter.com/O3h8eCgGJ7
— Elon Musk (@elonmusk) December 5, 2018