Yuxarı

Bakıda ictimai yerlərdə "wi-fi" ödənişli olacaq

Yalnız iki ay müddətində bu xidmət pulsuz olacaq

Bakı. 29 aprel. REPORT.AZ/ Bakıda ictimai yerlərdə, bir çox parklarda, I Avropa Oyunlarında təşkil ediləcək Olimpiya kəndində, habelə oyunlar ətrafında olan sahələrdə "wi-fi" mobil internet xidməti istifadəyə veriləcək. Bunu jurnalistlərə AMEA-nın illik ümumi yığıncağı çərçivəsində rabitə və yüksək texnologiyalar naziri Əli Abbasov bildirib.

Nazir deyib ki, "wi-fi" mobil internet xidmətinin əksər hissəsi mobil operatorlar və provayderlər tərəfindən həyata keçiriləcək.

"Biz onlara əsasən bir güzəşt təklif edirik ki, bu iki ay müddətində onlar pulsuz həyata keçirsinlər, sonradan isə ödənişli reallaşdıra bilərlər", - deyə Ə.Abbasov qeyd edib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi