Bakı. 29 noyabr. REPORT.AZ/ Bu gün Azərbaycan Dövlət İqtisad Universitetində (UNEC) "Bilik əsaslı iqtisadiyyata keçid: potensial imkanlar" mövzusunda forum keçirilib.
“Report” xəbər verir ki, tədbir univesristetin Beynəlxalq İqtisadiyyat Məktəbinin (ISE) və Nəqliyyat, Rabitə və Yüksək Texnologiyalar Nazirliyi yanında “Yüksək Texnologiyalar Parkı” MMC-nin (YTP) birgə təşkilatçılığı, "Bank Respublika" ASC-nin sponsorluğu ilə təşkil olunub.
Forumu giriş sözü ilə UNEC-in rektoru Ədalət Muradov açıb. Daha sonra çıxış edən YTP-nin direktoru Tural Kərimli Azərbaycanda bu sahədə ekosistemin inkişaf etdiyini, “Bank Respublika”nın baş direktoru Elşad Vəliyev isə təmsil etdiyi bankın bu tədbirə önəm verdiyini bildirib.