Yuxarı
    Bağlamaq

    "Bakcell" abunəçiləri üçün yeni tarif təqdim edib

    Şirkət abunəçiləri Azərbaycanın bölgələrində 3-cü dəqiqədən sonra pulsuz danışacaqlar

    Bakı. 11 aprel. REPORT.AZ/ Azərbaycanın ilk mobil rabitə operatoru olan "Bakcell" şirkəti abunəçiləri üçün "YeniDoğma" tarifini təqdim edib.

    Şirkətdən "Report"a bildirilib ki, yeni tarifin istifadəçiləri şəbəkədaxili zənglərin 3-cü dəqiqəsindən sonra pulsuz danışacaqlar.

    Zənglərin ilk 3 dəqiqəsi zamanı isə bir dəqiqənin qiyməti 4 qəpik təşkil edir. Eyni zamanda, ölkədaxili digər zənglərin bir dəqiqəsinin qiyməti də 4 qəpik təşkil edir.

    Yeni tarifdən faydalanmaq üçün *138#5#YES kodunu yığmaq və ya "YeniDoğma" tarifində olan yeni nömrə almaq yetərlidir. Bütün "Cin" və "Klass" tarifinin istifadəçiləri bu təklifdən yararlana bilərlər.

    Qeyd edək ki, pulsuz şəbəkədaxili danışıqlar zəngin 4-cü dəqiqəsindən 30-cu dəqiqəsinə qədər təqdim olunur və bu müddət bitdikdən sonra pulsuz danışığa davam etmək üçün abunəçinin balansından növbəti 3 dəqiqə zamanı vəsait çıxılır. Qiymətlər Bakı şəhəri, Sumqayıt şəhəri və Abşeron yarımadasından kənar bölgələrdə qüvvədədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi