"Azercell" LTE şəbəkəsini daha da genişləndirəcək

Bakı. 24 fevral.REPORT.AZ/ "Sazz" və "Delta Telecom" şirkətlərinin mobil operator kimi bazara daxil olmasının "Azercell"in fəaliyyətinə mənfi təsir edəcəyinə inanmıram.

"Report" xəbər verir ki, bunu "Azercell" şirkətinin prezidenti Vahid Mürsəliyev şirkətin 2015-ci ildəki fəaliyyətinə dair keçirilən mətbuat konfransında bildirib.

O deyib ki, "Azercell" bu şirkətlərin bazara nüfuz etməsini nəzərə alacaq, eyni zamanda LTE şəbəkəsini daha da genişləndirəcək:

"Azercell"in çox güclü şəbəkəsi var. Biz bundan sonra daha da məsuliyyətli olacağıq və bizim komanda sağlam rəqabət aparmağı da çox sevir".