Yuxarı

Azərbaycan şirkətləri Türkmənistana dəvət olunub

Aşqabadda beynəlxalq telekommunikasiya, telemetriya və informasiya texnologiyaları konfransı keçiriləcək

Bakı. 19 avqust. REPORT.AZ/ Sentyabrın 15-16-da Aşqabadda (Türkmənistan) şəhərində “Turkmentel-2016” X beynəlxalq telekommunikasiya, telemetriya və informasiya texnologiyaları konfransı keçiriləcək.

Azərbaycanın Kabel Operatorları Assosiasiyasından (AKOA) “Report”a bildirilib ki, Assosiasiya sözügedən konfransa dəvət edilib.

Konfrans çərçivəsində elektron ödənişlər, informasiya təhlükəsizliyi, İP TV, e-Hökumət, e-Sənəd dövriyyəsi məsələlərinin həlli məqsədilə Türkmənistanın müasir avadanlığa, informasiya və kommunikasiya texnologiyalarına olan tələbatı müzakirə olunacaq.

Türkmənistan Rabitə Nazirliyi, “Altın Asır” milli mobil rabitə operatoru, “TurkmenTelecom” milli telekommunikasiya şirkəti, Elm və Texnologiyalar üzrə Dövlət Agentliyi, Türkmənistan Prezidenti yanında Milli Kosmik Agentliyi, Regional Rabitə Birliyi sözügedən konfransa rəsmi dəstək göstərir.

Azərbaycanın yerli sahibkarları və işgüzar dairələri də konfransda iştiraka dəvətlidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi