Azərbaycanda Amerika Ticarət Palatası (“AmCham”) Nəqliyyat, Rabitə və Yüksək Texnologiyalar naziri
Bu barədə “Report”a “AmCham”ın icraçı direktoru Natəvan Məmmədova məlumat verib.
Onun sözlərinə görə, təmsil etdiyi qurum “Ümumi Məlumatların Qorunması Qaydaları"nın (General Data Protection Regulation - GDPR) hazırlanmasına töhfə vermək istəyir: “İş adamlarının bununla bağlı təklifləri var və “AmCham” olaraq nazirə müraciət etmək niyyətindəyik”.
N.Məmmədova onu da deyib ki, sözügedən qaydalar həmin məlumatlardan istifadə şərtlərini müəyyən edəcək: “Bu qaydalarla müəyyən olunacaq ki, artıq fərdi məlumatların hansı hissəsi hamıya əlçatan olacaq və yaxud dövlət vətəndaşın şəxsi məlumatlarının neçə faizinə çıxış hüququ qazanacaq. Bu isə həm fərdi, həm də digər məlumatların qorunması baxımından əhəmiyyətlidir”.