Yuxarı
    Bağlamaq

    ​Azərbaycan Minskda keçirilən beynəlxalq İKT sərgi-forumunda iştirak edir

    Sərgi çərçivəsində Belarus-Azərbaycan İKT forumu da təşkil olunub

    Bakı. 20 aprel. REPORT.AZ/ Rabitə və yüksək texnologiyalar naziri Ramin Quluzadənin rəhbərliyi ilə dövlət, özəl və qeyri-hökumət təşkilatlarından ibarət 40-a yaxın Azərbaycan nümayəndə heyəti Minskda (Belarus) keçirilən “TİBO-2016” beynəlxalq informasiya-kommunikasiya sərgi-forumunda iştirak edib.

    Nazirliyin mətbuat xidmətindən “Report”a bildirilib ki, tədbirin açılış mərasimində Belarusun baş naziri Andrey Kobyakov, rabitə və informasiyalaşdırma naziri Sergey Popkov, Azərbaycanın rabitə və yüksək texnologiyalar naziri R.Quluzadə və digər ölkələrin sahə üzrə rəhbər şəxsləri iştirak edib.

    Sərgidə təşkil olunan VİP-tur çərçivəsində rəsmi şəxslər Azərbaycan Milli Pavilyonuna baş çəkib, ölkənin İKT sahəsində əldə etdiyi yeniliklərlə yaxından tanış olublar.

    Eyni zamanda sərgi çərçivəsində hər iki ölkənin müvafiq nazirlikləri arasında informasiya texnologiyaları üzrə şirkətlərin iştirakı ilə III Belarus-Azərbaycan İKT forumu keçirilib.

    Qeyd edək ki, 23-cü dəfə təşkil olunan “TİBO-2016” ixtisaslaşan sərgisi MDB və Baltikyanı ölkələrin ən böyük İKT tədbirlərindən biridir. Toplantı aprelin 22-dək davam edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi